Categorieën
Daily Délie

Daily Délie CXX

L’Aigle des Cieulx pour proye descendit,
Et sur ma Dame hastivement se poulse:
Mais Amour vint, qui le cas entendit,
Et dessus luy employe & arc, & Trousse.
  Lors Jupiter indigné se courrouce,
Et l’Archier fuit aux yeulx de ma Maistresse,
A qui le Dieu crie plain de tristesse,
Je veulx, Venus, ton filz, qui à mespris.
  Delie suis, dit elle, & non Déesse:
Prendre cuydois, dit il, mais je suis pris.

 

Geef een reactie