Categorieën
Daily Délie

Daily Délie CXVI

Insatiable est l’appetit de l’homme
Trop effrené en sa cupidité,
Qui de la Terre ayant en main la pomme,
Ne peult saouler si grand’ avidité:
Mais (ô l’horreur) pour sa commodité
Viole foy, honneur, & innocence.
  Ne pleure plus, France: Car la presence
Du sang d’Abel devant Dieu criera
Si haultement que pour si grande offence
L’aisné Cain devant toy tremblera.

 

Geef een reactie