Delia ceincte, hault sa cotte attournée,
La trousse au col, & arc, & flesche aux mains,
Exercitant chastement la journée,
Chasse, & prent cerfz, biches, & chevreulx maints.
Mais toy, Delie, en actes plus humains
Mieulx composée, & sans violentz dardz,
Tu venes ceulx par tes chastes regardz,
Qui tellement de ta chasse s’ennuyent:
Qu’eulx tous estantz de toy sainctement ardz,
Te vont suyvant, ou les bestes la fuyent.
