Non celle ardeur du Procyon celeste
Nous fait sentir de Phaeton l’erreur:
Mais cet aspect de la Vierge modeste
Phebus enflamme en si ardente horreur,
Qu’aux bas mortelz vient la froide terreur,
Qui de la peur de leur fin les offense.
Voy: Seulement la memoire en l’absence
De toy m’eschauffe, & ard si vivement,
Qu’en toy me fait ta divine presence
Prouver tousjours l’extreme jugement.